Ka gjithnjë e më shumë biseda për pompat e nxehtësisë, por njerëzit ende nuk janë të sigurt se si funksionojnë saktësisht dhe cili është ndikimi i tyre pozitiv në mjedis. Le t'i mësojmë të gjitha këto me Ariston, që ka qenë gjithmonë në pararojë në ofrimin e zgjidhjeve të ngrohjes dhe ngrohjes së ujit që mundësojnë pajtimin e komoditetit të shtëpisë, kursimin e energjisë dhe ndjeshmërinë për çështjet e mjedisit.

*****


Pompat e nxehtësisë mund të ofrojnë ngrohje dhe ftohje jashtëzakonisht efiçente si në terma ekonomikë ashtu dhe mjedisorë, me kusht që të instalohen dhe përdoren në mënyrë korrekte. Pra, është e rëndësishme të kuptohen karakteristikat kryesore të këtij lloji të veçantë të zgjidhjes së ngrohjes: le t'i zbulojmë së bashku!

Çfarë është një pompë nxehtësie?

Një pompë nxehtësie është një sistem i prodhimit të energjisë së rinovueshme që transferon nxehtësinë midis dy hapësirave në temperatura të ndryshme. Ne iu referohemi pompave të nxehtësisë për sa i përket burimit dhe destinacionit të nxehtësisë: ajër-ajër, ajër-ujë, ujë-ujë, ujë-ajër ose tokë-ujë.

Nga këto, llojet më të zakonshme që përdoren sot në shtëpitë e njerëzve janë:

- pompat e nxehtësisë ajër-ajër, të cilat përdorin ajrin e jashtëm për të ngrohur (ose nëse është e nevojshme për të ftohur) ajrin e ambienteve të mbyllura;

- pompat e nxehtësisë ajër-ujë, në të cilat energjia në ajrin e jashtëm transferohet në ujë për të siguruar ngrohje ose ftohje.

Si funksionojnë pompat e nxehtësisë?

Pompat e nxehtësisë funksionojnë në një mënyrë të ngjashme me frigoriferët. Të dyja janë pajisje që përbëhen nga një qark i mbyllur që përmban një lëng ftohës që është lëngu punues i ciklit ftohës: në gjendjen e tij të gaztë, ai ngjeshet nga një kompresor, pastaj avulli i nxehtë dhe shumë i ngjeshur ftohet në një shkëmbyes nxehtësie, i quajtur kondensator, derisa të kondensohet në një lëng me presion të lartë. Ftohësi i kondensuar pastaj kalon nëpër një valvul zgjerimi. Ftohësi i lëngshëm me presion të ulët pastaj hyn në një tjetër shkëmbyes nxehtësie, tek avulluesi, në të cilin lëngu thith nxehtësinë dhe vlon. Më pas ftohësi kthehet në kompresor dhe cikli përsëritet.

Gjatë këtij cikli, gazi ftohës thith energjinë termike nga ajri i jashtëm dhe më pas lëshon nxehtësi në ajrin e brendshëm ose në ujë, në varësi të faktit nëse është një pompë nxehtësie ajër-ajër apo ujë-ajër.

Më tej, shumë pajisje, si p.sh. pompa e nxehtësisë me ajër dhe ujë NIMBUS COMPACT M NET e Ariston, gjithashtu kanë një valvul kthimi që i mundëson sistemit të punojë në drejtim të kundërt për të prodhuar ajër të ftohtë.

Cili është ndikimi në mjedis?

Pompat e nxehtësisë prodhojnë një ndikim të konsiderueshëm pozitiv në mjedis sepse ato:

- nuk përdorin karburant të djegshëm;

- punojnë kryesisht me burime të pashtershme të energjisë, të furnizuar nga vetë natyra, të tilla si ajri;

- përdorin vetëm një sasi të vogël të energjisë elektrike, të nevojshme për funkisionimin e ciklit të ftohësit;

- mund të kombinohen me një sistem të energjisë diellore, në këtë rast e gjithë energjia e përdorur është e rinovueshme.

Cilat janë avantazhet ekonomike?

Pompat e nxehtësisë mund t'ju ndihmojnë të kurseni deri në 70%* në faturën tuaj vjetore të energjisë elektrike në krahasim me sistemet tradicionale.