Probleme me ujin tuaj të ngrohtë ose ngrohjen? Mos u shqetësoni: riparimi i një bolieri shpesh rezulton të jetë më i thjeshtë nga sa e keni menduar. Në shumicën e rasteve nuk është fjala për një avari të vërtetë, por për probleme mjaft të zakonshme që lidhen me mirëmbajtjen. Më poshtë vijojnë 3 këshilla për zgjidhjen e tyre.


****


Situata e zakonshme është kur po bëni një dush relaksues dhe papritmas ikën uji i nxehtë. Në vend që të bëni banjo me ujë të ftohtë në mes të dimrit, pse të mos i hidhni një sy këtyre 3 këshillave të thjeshta dhe të provoni ta rregulloni vetë bolierin?

Kontrolloni presionin e bolierit

Presioni i ulët mund të jetë shkaku i mungesës së ujit të nxehtë ose të ngrohtë. Për të pasur funksionimin e duhur të bolierit, në fakt, presioni nuk duhet të bjerë kurrë nën nivelin optimal prej 1 bar. Për të rivendosur parametrat e duhur, rregulloni valvulën në rubinetin e hyrjes (në pjesën e poshtme të bolierit). Nëse problemi vazhdon, duhet të thërrisni një inxhinier specialist për të shmangur avaritë e mëtejshme në sistemin tuaj.

Kontrolloni gjendjen e ngjitësit

Ndonjëherë mund të ndodhë që bolieri të rrjedhë ujë. Nëse gjeni një rrjedhje, nuk ka nevojë për panik: në shumicën e rasteve, është konsumuar ngjitësi i pompës së qarkullimit dhe do të duhet të zëvendësohet. Nëse problemi vazhdon, mund të jetë e nevojshme të ndërroni bolierin, dhe kjo do të ishte një mundësi e mirë për të zgjedhur një bolier me kondensim si p.sh. Alteas ONE NET të Ariston, që është mënyra ideale për të ulur faturat mujore deri në 40% dhe për të drejtuar fokusin tonë tek mjedisi.

Riprogramoni parametrat e bolierit

Së fundmi, mosfunksionimi i bolierit mund të shkaktohet edhe nga një avari momentale e sistemit elektrik. Prandaj mund të jetë e dobishme të rivendosni vlerat fillestare të tij, duke përdorur manualin e udhëzimeve.

A ju është dashur ndonjëherë të merreni me këto probleme? Ju lutemi lini një koment dhe na tregoni për përvojën tuaj.